Parafrase Puisi Bali

PUISI BALI

( PARAFRASE PUISI )

XI IPS I

NAMA         : ................
   
NO ABSEN    : ....................

SMA NEGERI .....................

TAHUN AJARAN 2014/2015

1. LALANG

Gerimis sané ulung ngapuan
Inggih punika kruna
Sané ngamedalang girang
Sané ngicénin liang
Sané nungkulang galang
Sané nyayangang lalang

Nulekep ring sidakepan pertiwi
Nguntulang raga
Pinaka saksi sasih makiré kalima
Pinaka saksi bunga sampun kembang
Pinaka saksi semeng janten nyemengan
Lan, lalang nyarengin
Tan paucap apisanan





23 September 2009
Olih : Pandé Kurniawan




SUKSMAN

Bait / Pada    1 :    Sabeh sane tedun ngalih raina apisan nyiamin ambengan sane mabuat toya sabeh, punika ngranayang ambengane makolihang.
Bait / Pada    2 :      Urip ambengan sane makolihang punika sue, semeng wengi saking wau mentik kantos sasih kalima inggih punika sasihne sekar pada kembang.




CERITA

Ring bukit  wenten alas ambengan sane makolihang krana irika sabehe tedun maruntun ngalih raina apisan lan suryane saraina nyuryanin. Makasami mawarna gadang nguda. Yening cingakin saking doh, becik pisan bukit punika ngeranayang ulun hati i ragane teduh.
    Ambengan  urip sakadi entik-entikan. Ambengan ring bukit makolihang pisan, uripne sue. Saking wau mentik kantos sasih kalima kantun mawarna gadang. Ambengan punika taler mawiguna anggen paketisan Ida Pandita utawi Sulinggih.

1. SINOM-SINOMAN WREDA

Puniki carita kalintang nista
indik wang lingsir
sinoman wreda dané kasengguh
apan nguni kocap kasudi
pinaka tameng papacek gumi

Mangkin
ipun i sinoman wreda
nandang idup kalara-lara
tan pasanak braya
nyabran rahina nyliksik bulu
saha ngapé-apé jagaté wayah
majalaran tembang mawarni pinunas:
déwa ratu sang hyang embang
kedeh titiang mangastiti
i ratu sang ngawiwenang
uripé sané asiki
mangkin meled titiang ngapti
mangda i ratu mapuwus
ledang bancut urip titiang
apan tan malih kasidi
mangda puput
utang titiang dadi jatma

Cendek tembang dané
I sinoman wreda
Nanging teges pinunas ipun
Jakti singsal minab pupuhé
Sangkaning tuwuhé nampekin sanja
Nanging sira ugi jagi urati
Mapidabdab indik tembang
Ring ulu atiné
Sané kalintang sungkawa
(Beh, i guwak pasliwer gaok-gaok
Mapi-mapi duta hyang yamadipati
mapengarah ring jagat sadaya
wénten manusa mapag pralaya)



Jakarta, Maret 2008
olih : IDG Palguna